DDocu

ddocu m’ammanzu

nta ddi occhi
chi pàrinu stiddi
nta ddi vrazza
chi disìanu lu me corpu
nta ddi vucchi di meli
chi ntònanu canzuneddi di vita

ddocu 
ogni cocciu di cori 
si fa quantu lu celu
ogni larma chi cadi
si fa un lettu di paci

e mi sentu arrè omu

lu restu lu restu nun c’è
nun esisti
c’è sulu stu ventu 
chi ciuscia chiù forti
e d’iddu mi lassu purtari 
versu un tempu chi parra
di novu