Eppuru stiornu cantanu li stiddi
26 Dicembre 2017
Eppuru stiornu cantanu li stiddi
Di Nino Barone
Eppuru stiornu càntanu li stiddi,
la danza di li nuvuli arricrìa,
mi sentu già di stari ddà cu iddi
comu na nota di sta miludìa.
Suspisu vidu munti d’arvuliddi,
la terra chi mi fici, terra mia,
vidu l’irvuzza nsemi a li ciuriddi
fari lu versu di na puisìa!
E mentri tuttu chistu, santu Diu,
mi grapu l’occhi e vidu arrè buriusa
la vita d’ogni jornu chi cumpari.
La musica chi c’era ormai finìu,
l’armuzza si fa sciàrbita e cunfusa,
vulissi tra li nuvuli turnari.